Во наредната сезона Мик Шумахер може да вози за Ферари

Синот на легендарниот возач Михаел Шумахер наредната сезона ќе добие нова улога.

Покрај улогата како редовен возач за Хас 22-годишниот Мик ќе биде достапен и како заменски возач на Ферари доколку има од него потреба. Постигнатиот договор се однесува на 11 од 23 трки во сезоната.

„Не треба да зборавиме дека Мик е возач на Ферари. Тој е дел од нашата академија, ја водиме оваа програма за да го добиеме следниот возач на Ферари“, изјави шефот на Ферари Матија Биното.