Воска првото летно засилување го доведе од Работнички

Новиот прволигаш, охридска Воска го претстави денес првото засилување за дебитантската сезона во најсилната македонска конкуренција.

Нов фудбалер на охридскиот клуб е Фатих Исмаили кој пристигнува со големо искуство во ПМФЛ.

„Во новата сезона Фатих Исмаили ќе ги брани боите на нашиот тим кој за првпат ќе игра во ПМФЛ. Исмаил е фудбалер кој има искуство мак-елитата, носејќи ги дресовите на Шкупи и Работнички, краток период беше и во Гостивар“, соопштија од Воска.

Исмаили со своите 25 години во ПМФЛ одигра 94 натпревари, а беше дел и од шампионскиот тим на Шкупи во сезоната 2021/2022. Во Воска пристигнува од Работнички, договорот кој го потпиша е на една година со можност за продолжување.

Ќе потсетиме, Воска пред неколку дена го претстави и Црногорецот, Миљан Радовиќ за нов стратег.