Вимблдон: Потоп за фаворитките, елиминирата и Халеп

Вистински потоп за фаворитките на овогодинешното издание на Вимблдон.

Германката Аџелик Кербер се пласираше во осминафиналето на Вимблдон, откако денес ја победи Јапонката Наоми Осака со 6:2 и 6:4.

Мечот помеѓу десетата (Кербер) и осумнаесетата тенисерка (Осака) траше само 64 минути. Германката во наредното коло ќе игра против Белинда Бенчич од Швајцарија која беше подобра од Карла Суарез Наваро од Шпанија со 6:1 и 7:6.

Во осминафиналето се пласираше и Белорусинката Александра Сасановиќ. Таа после Петра Квитова ја исфрли Австралијанката Дарија Гаврилова победувајќи ја со 6:3 и 6:1.

Наредната противничка на Белорусинката ќе биде Летонката Јелена Остапенко која славеше против Русинката Виталија Даченко со 6:0, 6:4.

До осминафиналето стигна и Доминика Цибулкова. Таа ја победи Белгијката Елис Мертенс (6:2, 6:2) и закажа дуел со Су Веи од Тајван која денес го направи најголемото изненадување.

Су Веи славеше победа против првата тенисерка, Симона Халеп со 3:6, 6:4, 7:5.

Елиминацијата на Халеп значи дека на Вимблдон остана само една тенисерка од првите десет носителки – Каролина Плишкова.