Видео: Рибери отвори со волеј, погоди и Родригез – Баерн сигурен против Мајнц

Денес со почеток во 15:30 часот во германската Бундес лигата се одиграа пет натпревари.

Најголемо внимание секако привлече натпреварот на лидерот Баерн Минхен кој играше против Мајнц на гостинските терен.

Мајнц оваа сезона игра под очекувањата и се наоѓа во долниот дел од табелата, а во денешниот натпревар гигантот од Минхен заслужено стигна до победа со резултат 0:2.

Баерн до водство дојде после нешто повеќе од половина час игра. По еден корнер домаќините ја расчистија опасноста, но топката стигна до Франк Рибери кој со одличен волеј удар успеа да ја смести топката во мрежата на домаќинот и да го отвори резултатот.

Се играше финишот од полувремето кога Толисо испрати прецизна топка до Хамес Родригез, а Колумбиецот после одличниот прием успеа да ја смести топката зад грбот на голманот на домаќинот.

Во вториот дел Мајнц покажа нешто подобра игра, но сепак Баерн беше тимот кој го контролираше натпреварот па до крајот успеа да ја задржи предноста од 0:2.

Останати резултати:

Фрајбург – Леверкузен 0:0

Херта – Хофенхајм 1:1

Волфсбург – Штудграт 1:1

Шалке – Вердер 1:2