Видео: Направи груб фаул и сам се повреди – Русија без еден од најдобрите на Мундијалот!

Настрадаа лигаментите…

Нема Русија многу фудбалери од топ класа кои би им биле силни адути на Мундијалот на кој ќе бидат домаќините, а денес стигна кошмарна вест – еден од најдобрите го пропушта Мундијалот.

Александар Кокорин нема да игра на Мундијалот бидејќи вчера во натпреварот против Лајпциг од Лига Европа ги скина лигаментите на коленото. И тоа на навистина глупав начин.

Кокрин невнимателно тргна на дуелото со Орбан, направи груб фаул високо кревајќи ја ногата, но на крајот се повреди самиот себе. Настрадаа вкрстените лигаменти на коленото и веднаш со болна гримаса го напушти теренот.

Му беше јасно дека пропушта голем настан во кариерата, сигурно дека е ова голем удар за Русија.