Андрес Иниеста веќе некое време не ги брани боите на својата Барселона, но тоа не значи дека го заборавил тоа што го правеше со години на „Камп Ноу“ – да воодушевува.
Иниеста во доцните играчки години си замина во Јапонија, а во победата на својот Висел Коби над Нагоја Грампус од 2:1 ја воодушеви публиката со својата магична асистенција. Двата гола за Коба ги постигна уште еден прославен фудбалер, Лукас Подолски, но првиот беше навистина ремек дело благодарение на Иниеста.
Кој ќе биде новиот шампион, Сити или Арсенал? ↓↓↓
Иниеста се најде на некој 25-26 метри од голот, имаше многу простор, но и голем број на фудбалери на Нагоја кои се стрчаа кон казнениот простор. Сепак, од мајсторската асистенција на Иниеста немаше одбрана, а Подолски акцијата ја заврши со ефективен волеј удар.