Верстапен полуде: Возачите на Рено и Фетел ги нарече дебили! (ВИДЕО)

Квалификациите за Големата награда за Кина беа одржани утрово, а пол позиција освои возачот на Мерцедес, Валтери Ботас.

Мерцедес повторно доминираше на патеката пред Ферари кои не беше вистински конкурент. Ботас и Хамилтон ќе стартуваат од првиот ред, додека зад нив ќе бидат возачите на Ферари, Себастијан Фетел и Чарлс Леклер.

Зад Мерцедес и Ферари, како по традиција оди Ред Бул. Макс Верстапен ќе стартува од петтата позиција, додека од шестата позиција започне неговиот тимски колега Пјер Гасли.

Токму Верстапен беше во центарот на вниманието после трката бидејќи беше бесен на останатите возачи. Пред завршниот круг Верстапен излезе на патеката како еден од првите, а потоа беше шокиран кога го поминаа Фетел и возачите на Рено, Рикардо и Хулкенберг.

Возачите на Формула 1 имаат договор да го почитуваат поредокот после излегувањето на патеката, но од Ферари и Рено го прекршија тој договор, а тоа многу го налути Верстапен кој едноставно полуде.

„Ова е е*ено ср*ње. Тоа се дебили искрено. Сите се наредивме и тогаш тие се упропастија. Се обидуваш да бидеш фин кон сите, а тие се упропастуваат“, порача Верстапен преку радиото на својот тим.

When "you're just trying to be nice" and… ?#ChineseGP ?? #Race1000 @Max33Verstappen pic.twitter.com/mGCv0R7BUJ

— Formula 1 (@F1) April 13, 2019

Верстапен после квалификациите пред новинарите зборуваше за овој момент.

„Го имаме тој договор да се почитува линијата и поредокот кога ќе се излезе на патеката. Се одеше како што треба, а тогаш Фетел и уште два болиди на Рено ме поминаа. Ми расипаа се, целата припрема за последниот круг. Од сега се ќе се промени и јас наредниот пат ќе постапам како нив“, изјави Верстапен.