Верстапен до пол позиција на спринт трката, разочарувачки пласман за Хамилтон

Aктуелниот шампион обезбеди пол позиција за утрешната трка.

Возачот на Ред Бул, Макс Верстапен ќе стартува од првата позиција на претстојната трка во Формула 1 за Големата награда на Емилио Ромања.

Во спринт трката во Имола се возеше 21 круг, првите осум возачи освоија бодови, почнувајќи од осум бодови колку што доби победникот Верстапен. Второто место го освои возачот на Ферар Шарл Леклер, а трет заврши Серхио Перез, четврти Карлос Саинц од Ферари. На петата и шестата позиција се пласираа Ландо Норис и Даниел Рикардо. Валтери Ботас беше седми, Кевин Магнусен осми, деветти Фернандо Алонсо и десетти Мик Шумахер.

Седумкратниот шампион од Мерцедес Луис Хамилтон спринтот го заврши како 14-ти, а неговиот тимски колега Џорџ Расел 11-ти.