Бундеслигата може да биде нова дестинација на Алиоски

Македонскиот репрезентативец Езгјан Алиоски се поврзува со многу тимови во последниот период, а сега во битката за неговиот потпис се вклучи и германскиот бундеслигаш Фрајбург.

Алиоски два месеци се поврзуваше со трансфер во Трабзонспор, но сепак такво нешто не се случи, па сега Фрајбург е главен кандидат за неговиот потпис.

Фрајбург, наводно, сака да потпише едногодишен договор со македонскиот фудбалер, па во следниот период ќе биде познато дали Алиоски ќе се пресели во Бундеслигата.

Алиоски е слободен фудбалер, откако му заврши неговата соработка со Ал-Ахли по испаѓањето на тимот од елитата во Саудиска Арабија.