Бразилците после вчерашната сензација торпедирани од Шпанија, скандинавското дерби за Норвешка

Репрезентацијата на Бразил вчера приреди вистинска сензација откако ја победи Хрватска со 12 разлика, 36:24.

Бразилците немаа сили за уште еден блескав настап како вчера против Хрватите, веројатно своја улога одигра и заморот па „Фуријата“ стигна до убедлива победа.

Уште на стартот од натпреварот се виде дека Шпанија нема да се мачи и на полувреме заминаа со предност 19:13.

Соле и Арино беа најефикасни со по шест голови кај Шпанија, додека Кањелас постигна пет гола. Во редовие на Бразил, Лангаро и Нантес погодуваа по четири пати.

Во скандинавското дерби Норвешка со 30:27 ја победи Шведска и така ја направи трката за првите две места интересна. Данска, Шведска и Норвешка сега имаат по шест бода, со тоа што домаќините имаат натпревар помалку.