Бен Арфа го тужи ПСЖ – бара 8 милиони евра!

Хатем Бен Арфа испрати тужба до Пари Сент Жермен и бара обештетување од 8 милиони евра, пренесуваат француските медиуми.

Бен Арфа бара обештетување бидејќи во периодот од април 2017 до јуни 2018 година бил исфрлен од првиот тим.

Французинот смета дека ако не бил дискриминиран на овој начин ќе успеел да заработи пари од редица бонуси кои ги има во неговиот договор. Тој доставил обвинение на повеќе од 50 страни.

Бен Арфа бара да му бидат исплатени 8 милиони евра поради нанесена штета, но од ПСЖ тврдат дека бил отстранет од тимот поради „спортски причини“. Поради тоа двете страни наскоро ќе се видат на суд.

Hatem Ben Arfa is suing PSG for between €7m & €8m for missed performance bonuses owing to his being excluded from the 1st team squad by Unai Emery & Nasser Al Khelaifi. #SU24 pic.twitter.com/vaQukG0QAV

— Sports Umbrella 24 (@SportsUmb24) February 4, 2019