Синиша Михајловиќ пронајде решение во случај Торино да го продаде најдобриот напаѓач, Андреа Белоти. Во прашање е Симеоне Заза, кој проработи во дресот на Валенсија, но како што се наведува изразил желба да се врати во Италија.
Заза во досегашниот тек од сезоната постигна пет погодоци во Примера, вклучувајќи го хет-трикот против Малага изминатата недела.
Последно коло - кој шампион, кој во ЛШ, кој со награди на Fantasy!? ↓↓↓
Угледниот весник „Марка“ наведува дека Торино веќе некое време сериозно и детално го следи Заза и смислува план да го ангажира, можеби веќе во зимскиот преоден рок. Ако не тогаш, би можело тоа да се случи и следната година.
Заза така би се враи во градот во кој веќе играше, но во дресот на Јувентус. Имаше и една епизода, не толку успешна, во дресот на англиски Вест Хем.
Тој во Валенсија пристигна во јануари, прво на позајмица, а потоа во јули шпанскиот клуб го откупи неговиот договор, кој чинеше околу 18 милиони евра.
„Марка“ тврди дека Заза е моментално среќен на Местаља, но дека и во клубот се подготвени да ги слушнат сите финансиски понуди.
Учество во игри на среќа е дозволено за лица со 18+ години. Играј одговорно!