Трагедија на Завршниот мастерс во Торино – починаа двајца навивачи!

Голема трагедија се случи на Завршниот мастерс во Торино откако двајца навивачи ги загубија животите. Како што пренесува „Газета дело Спорт”, починатите лица имаат 70 и 78 години.

– На еден навивач му се слошило во текот на утрото во фан зоната блиску до салата. На другиот му се слошило на трибините за време на натпреварот помеѓу Тејлор Фриц и Лоренцо Музети. Во двата случаи Брзата помош брзо реагирала и се обидела да ги реанимира. Брзо биле пренесени во блиската болница Молинете, но, за жал, таму наскоро починале – стои во текстот на „Газета”.

Како што пренесуваат италијанските медиуми, двајцата навивачи доживеале ненадејни срцеви удари во два одделни инциденти, кои се случиле во краток временски период.