Белингам: Се плашам дека некој ќе ме разбуди од сонот кој го живеам

Фудбалерот на Реал Мадрид и на англиската репрезентација Џуд Белингем ја доби наградата Златно момче за 2023 година.

Белингам ова лето за 110 милиони евра пристигна во Реал Мадрид и се етаблираше во еден од најдобрите фудбалери во Европа.

Англискиот репрезентативец на 17 натпревари во дресот на „кралевите“ постигна 15 голови и четири асистенции.

Белингам во разговор со новинарите од Шпанија откри како се чувствува, а вели дека се плаши некој да не го разбуди од „сонот“.

„Сонувам, секој ден се плашам некој да не ме разбуди. Многу сум среќен во Реал Мадрид. Моја цел е да освоиме многу титули. Секој ден одам на тренинг со цел да станам подобар“, вели Белингам.