Бартомеу за Нејмар: Ништо не се променило!

Претседателот на Барселона, Жосеп Марија Бартомеу, не сакаше да коментрира за темата Нејмар, за време на денешното претставување на голманот Нето.

Нејмар веќе некое време се поврзува со враќање во Барселона и наводно веќе на сите им кажал дека сака да си замине од ПСЖ бидејќи ја сфатил грешката која ја направил кога пред две години одлучи да ја напушти Барселона.

Сега и ПСЖ призна дека Нејмар може да си замине ова лето и дека започнале првични разговори со Барселона.

„Официјална понуда за Нејмар немало, но морам да признаам дека имавме контакти со еден шпански тим, а тоа е Барселона. Нејмар на сите им стави до знаење дека сака да си замине од клубот“, изјави спортскиот директор на ПСЖ.

На оваа тема беше запрашан и Бартомеу, кој кратко одговори: „Нема ништо ново. Ситуацијата не се променила од минатата недела“.