Барселона за пет години потрошила над 1 милијарда за засилувања

Раководството на Барселона потрошиле над 1 милијарда евра за засилувања во последните пет години и не успеа да ја освои Лигата на шампиони.

Анализата започнува во 2015 година после воведеното трансферно ембарго на каталонскиот клуб. Првите засилувања се Арда Туран и Алеиш Видал кои требаше да чекаат неколку месеци за да можат да играат за Барса. Турскиот репрезентативец чинеше околу 40 милиони евра и набрзо стана вишок на „Камп Ноу“.

Во сезоната 2016/17 Каталонците под раководство на Бартомеу донесоа неколку фудбалери со општа вредност до 150 милиони евра. Во летото 2017 години беа шокирани со заминувањето на Нејмар па го донесоа Осман Дембеле за 105 милиони евра, а неколку месеци подоцна и Кутињо со што беше срушен трансферниот рекорд.

Минатото лето беше донесе Антоан Гризман за 120 милиони евра, а лошата вест е што од сите овие засилувања никој до сега не ги оправда очекувањата.

Подетален приказ има колку Барселона потрошила пари само за барање идеален партнер на Меси и Суарез, за тоа Каталонците потрошиле повеќе од половина милијарда евра.