Арсенал со два гола во судиското продолжение ја победи Астон Вила 🎥

Aрсенал по три натпревари без победа конечно триумфираше во Премиер лигата откако денес беа подобри од Астон Вила со 2:4.

Победата Арсенал ја обезбеди во судиското продолжение кога двапати ја погодуваа мрежата на домаќините. Мартинез прво во 93-та минута си постигна автогол, а точка на победата во 98-та минута стави Мартинели.

Претходно Арсенал двапати се враќаше од негатива, Астон Вила водеше со голот на Воткинс, а потоа и преку Кутињо. За Арсенал изедначуваа Сака и Зинченко.

Арсенал на врвот на табелата има три бода повеќе од Манчестер Сити кој денес го игра дуелот со Нотингем.