Анчелоти: Проблемот е јасен

Лука Модриќ беше стартер на натпреварот помеѓу Реал Мадрид и Лас Палмас, а искусниот играч за врска не се прослави.

Беше јасно дека Тони Крос многу ќе му недостига на Реал, но никој навистина не очекуваше дека тоа ќе биде толку изразено веќе на стартот на сезоната. Да го заклучиме ова и по изјавите на Карло Анчелоти.

Поради повредата на Џуд Белингем, Анчелоти одлучи Модриќ да биде стартер против Лас Палмас и легендарниот хрватски играч за врска не беше на неговото ниво.

„Без дилема беше многу непрецизен на топките кои нормално не ги пропушта“, е реченицата со која угледната Марка ја опиша играта на Модриќ, со оценка 6 за Хрватот.

По натпреварот Модриќ, но и целиот среден ред на Реал Мадрид, беше прозван и од Анчелоти, кој рече дека играта е премногу бавна, дека тоа е очигледен проблем и дека треба да се бара решение, особено што топката полека доаѓа во последната третина.

“Првото полувреме беше лошо. Се мачевме да создадеме шанси, се мачевме да ја освоиме топката, да најдеме рамнотежа. Мора да најдеме брзо решение и мислам дека ќе го направиме”.

Тешко ни е да ја најдеме минатогодишната сила, не треба да бараме изговори, распоредот е густ и мора брзо да најдеме решение, имаме натпревар во недела“.

„Морам да бидам појасен за тактиката на теренот за да им дадам појасна слика на играчите. Тоа не чини повеќе отколку што можевме да замислиме, но мора да работиме и добро да се фокусираме. Овие три натпревари ми покажаа многу работи кои не одат добро“.

„Играта е бавна, нема движење, топката доаѓа до напаѓачот кога противничкиот тим е затворен, се мачиме да најдеме простор меѓу линиите… Проблемот е сосема јасен, мора да најдеме решение.

Општ впечаток е дека проблемот на Реал лежи во недостигот на Крос, кој беше мозокот на средниот ред и со своите додавања напред, кратки или долги, им правеше сериозни проблеми на противниците.