Анчелоти лут после киксот. Се појави снимка од тунелот со порака од Белингем до соиграчите

Реал со кикс ја отвори сезоната во Ла Лига, со само освоен бод (1:1) кај Мајорка. Актуелниот шампион на Шпанија не успеа да го победи тимот кој минатата сезона ја заврши на 15. место.

Реал го прими голот по една изгубена топка, поточно контра и корнерот што следеше. Ова многу го налути Карло Анчелоти, кој по натпреварот изјави: „Балансот е кај играчите кои го мислат истото кога станува збор за враќање на топката. Мораме да одиме заедно. Играчите не разбраа дека тоа е многу важен аспект.

Мајорка одигра одличен натпревар и беше подобра од нас. Играта во дефанзивната фаза не беше добра. Тешко ни беше да ја земеме топката, притискавме откако ќе ја загубивме. Кога зборуваме за играта во одбраната, пред се зборуваме за колективен ангажман“, јавно ги повика тренерот на Реал играчите кои не се дефанзивци за слаба игра во дефанзивната фаза.

Во овој контекст, шпанските новинари го истакнуваат како интересно видеото кое се појави по натпреварот и она што Џуд Белингам им го кажа на играчите. Пред да се врати на теренот и кога Реал води со 1-0, Белингем им вели на Мбапе, Винисиус и Родриго: „Вие тројца, завршете ги вашите потези, бидејќи трчањето назад… е тешко“. на снимката која можете да ја погледнете ТУКА.