Алисон се огласи после вчерашната повреда

Во првото коло од новата сезона во Премиер лигата вчера Ливерпул на „Енфилд“ го совлада Норвич со 4:1.

„Црвените“ полесно од очекуваното стигнаа до победа против „канаринците“, но навивачите не беа среќни после натпреварот. Имено, кон средината на првото полувреме од игра мораше да излезе голманот Алисон кој се повреди.

Алисон заработи повреда при исфрлувањето на топката и веднаш побара лекарска помош.

Откако бразилскиот голман остана да лежи на теренот настана молк на целиот стадион бидејќи стана јасно дека Aлисон нема да може да го продолжи натпреварот.

После големата поддршка која ја доби, Алисон се огласи преку друштвените мрежи.

„Ви благодарам за пораките на поддршка. Ќе се вратам што побрзо и посилен од било кога“, порача Алисон.

Thank you all for the messages! Will be back as soon as possible and stronger!! ????? #YNWA

— Alisson Becker (@Alissonbecker) August 9, 2019