Јунајтед го сака Дибала, можна е спектакуларна трампа со Јувентус

Манчестер Јунајтед игра одлично под водство на Оле Гунер Солскјер и се бори за место во Лигата на шампиони, но сака на лето да донесе големи засилувања.

Манчестер Јунајтед сакаат за следната сезона да направат тим кој ќе се бори за титулата во Премиер лигата, па се очекува на лето на „Олд Трафорд“ да пристигнат големи засилувања.

Англиските медиуми пренесуваат дека „црвените ѓаволи“ покажуваат сериозен интерес за ѕвездата на Јувентус, Пауло Дибала и ќе се обидат да го донесат на „Олд Трафорд“.

Аргентинецот оваа сезона е во сенка на Роналдо и во некколку наврати остана на клупата за резерви, а италијанските медиуми пренесуваат дека имал и конфликт со тренерот Алегри.

Наводно Јувентус е спремен да се разедели со Дибала на крајот на сезоната, но само доколку пристигне понуда од 120 милиони евра.

Манчестер Јунајтед сака да ја искористи таквата ситуација и да го донесе Аргентинецот на „Олд Трафорд“.

Притоа, „црвените ѓаволи“ ќе се обидат да ја намалат цената на Дибала и се спремни да го понудат Ромелу Лукаку плус одредена сума на пари.

Лукаку го загуби првотимскиот статус со доаѓањето на Оле Гунер Солскјер, а англиските медиуми пренесоа дека Јувентус е негов прв избор доколку реши да ја промени средината.

Transfer news: #ManchesterUnited to offer #Juventus Romelu #Lukaku in swap for Paulo #Dybala https://t.co/E7FrlHZdSe pic.twitter.com/Mp57R5wR8j

— CalcioMercato (En) (@CmdotCom_En) March 5, 2019