Јувентус ја одредил цената за Дибала?

Торински Јувентус очигледно одлучил да направи големи промени во текот на летото.

Откако утрово стигна информација дека Старата дама со сите сили се обидува да се ослободи од Кристијано Роналдо и неговата огромна плата, Газета дело Спорт пренесува дека Дибала е на продажба.

Офанзивецот веќе со години игра одлично во дресот на торинскиот великан. Сепак, договор за нова сорабока е далеку, Дибала сака премногу пари, па Јувентус одлучил дека може да замине ако стигне квалитетна понуда.

Цената веќе е поставена. Јуве ќе прифати цифра помеѓу 90 и 100 милиои евра и многу лесно може да се случи Дибала од наредната сезона да заигра на друго место.

Дибала е член на Старата дама од 2015. година. Одигра 228 натпревари и постигна 95 погодоци.