„Јувентус сега мора да заврши во топ 4 во Серија А“

Легендата на италијанскиот фудбал, Дино Ѕоф даде свој коментар на ситуацијата во Серија А.

Јувентус беше активен на трансфер пазарот и ги ангажираше Душан Влаховиќ и Денис Закарија. По овие трансфери Ѕоф смета дека Јувентус мора да обезбеди настап во Лигата на шампионите наредната сезона, односно да заврши во топ 4 во Италија.

„Мислев дека Влаховиќ ќе си замине на крајот од сезоната. Ако го повтори тоа што го правеше во Фиорентина ќе биде фантастично засилување. Јувентус сега мора да заврши во топ 4“, изјави Ѕоф.

Новите засилувања во Јувентус прилика за деби ќе имаат утре кога Јувентус го очекува натпреварот против Верона.