Шкендија потврди ново засилување

Eкипата на македонскиот шампион Шкендија денеска потврди уште едно засилување и во своите редови го доведе Лиридон Латифи.

Во прашање е 30-годишен фудбалер кој има можност да игра на двете крилни позиции. Во богатата кариера Латифи настапуваше во главно во клубови од Албанија и Косово, а негов последен клуб е Тирана од каде и што пристигна во Шкендија.

Екипата на Шкендија има одличен старт во првенството и по првите три кола е лидер со седум освоени бодови колку што имаат Гостивар и Работнички.