Дома Топ вести Челзи го „краде“ Кавани пред носот на Атлетико

Челзи го „краде“ Кавани пред носот на Атлетико

Менаџерот на Челзи Френк Лампард сака да донесе искусен напаѓач во тимот, а англиските медиуми тврдат дека „сините“ покажуваат сериозен интерес за Едисон Кавани.

Лампард даде дипломатски одговор истакнувајќи дека во моментов има многу искусни напаѓачи на трансфер пазарот на кои може да  смета.

„Кавани е одличен фудбалер. Не сум запознаен со неговата ситуација и не сум сигурен како ќе се одвива сето тоа. Тој има искуство, но постојат и други играчи кои имаат искуство“, изјави Лампард.

Договорот на 32-годишниот напаѓач со ПСЖ истекува на крајот на сезоната, но Кавани сака уште во јануари да ја промени средината.

Уругваецот има договор со Атлетико Мадрид, но „јорганџиите“ не можат да најдат заеднички јазик со ПСЖ околу обештетувањето, а таквата ситуација може да ја искористи Челзи.

Челзи наскоро ќе се ослободи од Оливие Жиру, кој ќе се пресели во Интер, па ќе има голем буџет за трансфери и може да ја плати бараната сума од ПСЖ за да го донесе Кавани на „Стенфорд Бриџ“.

Коментари
Advertisements
Прочитајте поврзани статии
Load More In Топ вести

Проверете

Видео: Историска ноќ за Аталанта, Мурињо не е тоа што беше

Аталанта запиша историски триумф над Валенсија (4:1) во првиот осминафинален дуел во ЛШ. М…