Хунтелар ги помина прегледите, се враќа во Шалке

Искусниот напаѓач, Клас Јан Хунтелар до крајот на сезоната ќе игра за Шалке 04.

37-годишниот Холанѓанец денес ги мина лекарските прегледи и утре ќе го официјализира неговото враќање во клубот од Гелзенкирхен.

Хунтелар седум години го носеше дресот на Шалке каде постигна 126 гола и се етаблираше во легенда на клубот.

Сега доаѓа за да му помогне на Шалке би битката за опстанок и се очекува да дебитира веќе во среда против Келн.

Хунтелар оваа сезона го носеше дресот на Ајакс, а во Шалке најверојатно ќе стави крај на кариерата.