Поради расистичкиот скандал на прославата на аргентинската фудбалска репрезентација по повод освојувањето на титулата на Копа Америка, настанаа превирања на политичката сцена во оваа јужноамериканска земја.
Имено, откако некои фудбалери на прославата пееја расистичка песна за француските фудбалери, алудирајќи на нивното африканско потекло, член на администрацијата на претседателот на Аргентина, Хавиер Милеи, испратил барање Лионел Меси како капитен да и се извини на јавноста.
Диск голф го освојува светот, а го нема во Македонија!? ↓↓↓
Станува збор за Хулио Гаро, кој ја извршуваше функцијата заменик-секретар за спортски прашања, а наместо извинување на Меси, доби отказ.
Како што беше соопштено, кабинетот на претседателот Милеи одлучил Гаро да биде разрешен од споменатата функција.
La Oficina del Presidente informa que ningún gobierno puede decirle qué comentar, qué pensar o qué hacer a la Selección Argentina Campeona del Mundo y Bicampeona de América, ni a ningún otro ciudadano. Por esta razón, Julio Garro deja de ser Subsecretario de Deportes de la… pic.twitter.com/o4JRC7gGB1
— Oficina del Presidente (@OPRArgentina) July 17, 2024
„Кабинетот на претседателот известува дека ниту една влада не може да и каже на аргентинската репрезентација што да коментира, мисли или прави. Тоа не можеме да му го кажеме на светскиот и континенталниот шампион, ниту на кој било друг граѓанин. Поради оваа причина, Хулио Гаро повеќе не е заменик-секретарот за спорт на нацијата“, соопштија од претседателскиот кабинет.
„Тие играат за Франција, но нивните родители се од Ангола. Нивната мајка е од Камерун, а татко им е од Нигерија. Во нивниот пасош пишува Франција“, пееја аргентинските фудбалери.
Тоа се случи на шампионската парада на Аргентинците со отворениот автобус, а Меси воопшто не беше присутен во тие моменти.
Учество во игри на среќа е дозволено за лица со 18+ години. Играј одговорно!