Флик: Ова е голем шок за нас

Германскиот гигант Баерн Минхен доживеа шокантна елиминација во Купот од второлигашот Кил послед изведување на пенали.

Баерн ваква рана елиминација во Купот не доживеал цели 20 години, па јасно беше разочарувањето кај Баварците.

„Ова е голем шок за нас. Многу сме разочарани. Нивниот прв гол е ист како тие што ги примаме во последните неколку натпревари. Не ги браниме добро тие ситуации, додека при вториот гол немавме доволно дефанзивци. Мораме да играме подобро во одбрана, да правиме поголем притисок врз ривалите. Мора да го надминеме овој пораз и да продолжиме со работа“, порача Флик.