Филип Кузмановски остана без клуб

Репрезентативецот на Македонија, Филип Кузмановски е без клуб откако си заминал од Вецлар.

Кузмановски имаше договор до крајот на актуелната сезона, но истиот е раскинат, потврди директорот на клубот, Бројн Сеип.

„Со взаемна согласност договорот е раскинат. Филип дојде со желба да му дозволиме да го напушти клубот и се согласивме бидејќи и тој во целос не ги исполнува нашите спортски очекувања. Му благодариме за неговата посветеност и му посакуваме се најдобро во понатамошната кариера“, изјави Сеип.

За Кузмановски Вецлар беше трет клуб од германската Бундеслигата по Магдебург и Хановер.