Дибала сè поблиску до заминување, за неговата замена Рома ќе мора да издвои 55 милиони евра!

Рома бара засилувања во офанзивниот ред бидејќи се очекува Пауло Дибала да го напушти клубот, а веќе има неколку предлози.

Кристијан Пулишиќ, еден од подобрите фудбалери на Милан, му е понуден на тимот од престолнината, но „волчицата“ е заинтересирана за фудбалерот на Марсеј.

Станува збор за Мејсон Гринвуд, веќе пишувавме за интересот на клубот за него, а Рома одлучи да го забрза процесот и да го ангажира овој фудбалер до крајот на јуни.

Следната недела се очекува официјална понуда, и тоа од 40 милиони евра, плус бонуси и проценти од наредната продажба. Првично, клубот од Рим сакаше позајмица за 5 милиони евра, со обврска да го купи играчот за цена од 25 милиони, плус 10 милиони евра бонуси.

Но, Марсеј сака цели 55 милиони и можеби би можел да добие толкава сума, особено затоа што фудбалерот е отворен за преселба во нов клуб.