Филипо Инзаги нов тренер на Бреша

После отказот во Беневенто, Филипо Инзаги од денес има нов тренерски ангажман.

Поранешниот напаѓач на Милан доби отказ откако го изгуби прволигашкиот статус, но брзо пронајде нов клуб.

Сега Пипо ќе се обиде да ја врати Бреша во Серија А. Со Бреша тој потпиша договор на две сезони, во случај да избори промоција помеѓу најдобрите во Италија договорот автоматски ќе му биде продолжен на уште две сезони.

Тренерската кариера Инзаги ја започна во Милан, а беше тренер и на Венеција.