Фернандеш повикува: Ве молам продолжете да го критикувате Роналдо!

Португалија со победа го стартуваше Мундијалот во Катар откако вчера беа подобри од Гана во драматичен натпревар со 3:2.

Кристијано Роналдо одигра одличен натпревар, а Бруно Фернандеш ги повика оние кои го критикуваат да го прават тоа уште повеќе во наредниот период.

„Роналдо е човек кој ужива да работи кога е критикуван. Затоа ќе ги замолам сите – продолжете да го критикувате. Кога е нападнат секогаш го гледаме неговото најдобро издание“.

За него е чест што има прилика да игра заедно со Роналдо.

„Играњето со Роналдо е остварување на сонот, за мене е најважно сега Португалија да се претстави колку што е можно подобро. Така сите ќе бидеме среќни“, изјави Фернандеш.

Со оваа изјава на Фернандеш се става и точка на сите пишувања за нетрпеливост помеѓу нив двајца поради ситуацијата во Јунајтед кој веќе го раскина договорот со Роналдо. Таквите натписи започнаа поради поздравот на помеѓу двајцата на собирот за Мундијалот.