Фан на Шалке го пријави во полиција судијата и ВАР за измама (фото)

Шалке викендов го пречека Баерн Минхен и загуби со 3:0 благодарение на хет-трикот на Роберт Левандовски.

Меѓутоа, контроверзните ситуации и понатаму се во фокусот на германската јавност, а еден фан на Шалке никако не може да го преболи поразот.

Тој се одлучи на несекојдневен потег, па го пријави во полиција главниот судија Фриц и ВАР системот за измама.

Домаќините беа бесни откако Павар играше со рака во шеснаесетникот, исто како и Перишиќ, но главниот судија не досуди пенал, а не се огласи ниту ВАР.

Пријавата ја потврди и полицијата во Гелзенкирхен.

„Пријава од натперварот меѓу Шалке и Баерн: Еден навивач на Шалке поднесе тужба против судијата и видео асистентот од ВАР собата, обвинувајќи ги за измама. Причина за тоа се двата недосудени пенали за неговиот тим. Полицијата сега ги проверува фактите“, гласи соопштението на полицијата.

Das Spiel #S04FCB beschäftigt Schalke-Fans und nun auch die Polizei: Ein #Schalke-Anhänger hat Anzeige gegen den Schiedsrichter und den Videoassistenten wegen Betrugs erstattet. Grund: Zwei nicht gegebene Elfmeter im Spiel gegen #FCBayern. Die #Polizei prüft nun den Sachverhalt. pic.twitter.com/Jgni3jHXdv

— Polizei NRW GE (@polizei_nrw_ge) August 27, 2019