Тренерите во Серија А мислат дека Интер ќе биде нов шампион

Според анкетата на тренерите на италијанските прволигаши главен кандидат за Скудетото е тимот на Интер.

„ИтаСпортПрес“ ги објави резултатите од нивната анкета во која учествуваа 16 тренери на италијански прволигаши. 11 од тие 16 гласале дека Интер ќе биде шампион оваа сезона.

Тренерите кои гласаа за Интер беа: Џан Пјеро Гасперини, Пипо Инзаги, Еусебио Ди Франческо, Симоне Инзаги, Стефано Пиоли, Џенаро Гатузо, Фабио Ливерани, Роберто Де Зерби, Марко Џампаоло, Лука Готи и Иван Јуриќ.

Дека Јувентус ќе биде шампион гласал тренерот на Специја, Виченцо Италијано, додека Џовани Строп од Кротоне го даде гласот за Милан.

Синиша Михајловиќ, Чезаре Прандели и Клаудио Раниери не сакале да биде откриен нивниот глас.