Тотенхем тргнува по Адама Траоре

Тотенхем е силно заинтересиран за шпанскиот репрезентативец, Адама Траоре, пренесуваат медиумите на Островот.

25-годишниот Траоре е продукт на школата на Барселона, а покажува одлични партии во дресот на Вулверхемптон и го привлече вниманието на многу европски гиганти.

Траоре не е задоволен од тоа како се одвиваат работите во неговиот клуб, па е спремен наскоро да ја промени средината.

Тотенхем сака да ја победи конкуренцијата и веќе започнал преговори со „волците“, а медиумите тврдат дека трансферот може да биде договорен за околу 30 милиони фунти.

Тренерот на „спарси“ Нуно Еспирито Санто одлично го познава 25-годишниот Шпанец и сака повторно да го има во својот тим.