Статистика за Јокиќ која многу зборува: Дали навистина е најдобар?

„Статистиката е како бикини: Сè открива, а го крие најважното“, е новинарската флоскула што одамна ја кажа коментаторот Звонко Михајловски. Сега таа се користи во ситуацијата на Никола Јокиќ.

Јокиќ, кој е трикратен освојувач на МВП признанието, важи за еден од најдобрите кошаркари на денешницата, а многумина одат дотаму што го ставаат во рангот на најголемите.

Сепак, само една титула од шампионската лига на НБА не му оди во прилог, но ниту еден значаен статистички податок кој дополнително се „консолидираше“ со елиминацијата од Минесота.

Имено, Јокиќ во текот на својата НБА кариера никогаш не славел во плеј-оф серии против елитни тимови, односно оние кои постигнале 50 или повеќе победи во сезоната.

Nikola Jokic is 0-5 vs 50+ win teams in the Playoffs pic.twitter.com/eGJIPb2omq

— Barstool Sports (@barstoolsports) May 20, 2024

Јокиќ во текот на кариерата одигра 14 серии во плеј-офот и победи во девет од нив. Од тие девет серии, Денвер еднаш исфрли тим кој беше носител 2 и еден со 4 носител.

Два пати победи против 6-от носител, три пати против седмиот носител и двапати против 8-миот носител.

Минатата сезона Денвер ги исфрли Минесота (8-ма), Феникс (4-та), ЛА Лејкерс (7-ма) и Мајами (8-ма) на патот кон титулата.

Посебно е интересно што секој пат во плеј-офот со Денвер, Јокиќ бил елиминиран од тимови кои имале 50 или повеќе победи во сезоната.

Беа елиминирани од Портланд (53-29), ЛА Лејкерс (52-19), Феникс (51-21), Голден Стејт (53-19), а синоќа Минесота (56-26).