Египетскиот фудбалер Мохамед Салах изјави дека неговиот тим напишал историја со првата победа во нокаут фазата на светските првенства, откако по изведувањето на пенали беше подобар од Австралија, во натпреварот од шеснаесетфиналето.
„Ова е историја. Им кажав на момците пред натпреварот: ‘Ова е најголемиот натпревар што можете да го играте во животот, затоа уживајте, не дозволувајте притисокот да ве победи и уживајте во моментот'”, рече Салах за сајтот на Меѓународната фудбалска федерација (ФИФА).
Фудбалската репрезентација на Египет се пласира во петокот вечерта во осминафиналето, откако во Тексас, по пенали, ја победи Австралија со 4:2, откако по регуларниот дел и продолженијата беше нерешено 1:1.
Ова е прва победа на Египет во нокаут фазата во четвртото учество на светските првенства.
Учество во игри на среќа е дозволено за лица со 18+ години. Играј одговорно!