Семејството на Шумахер на аукција продаде часовници на славниот возач

Часовниците на големиот Формула 1 возач Михаел Шумахер се продадени во текот на вчерашниот ден за нешто повеќе од 4 милиони евра на аукција во Женева.

Продадени се вкупно осум часовници, вклучувајќи примери на „Rolex, F.P“. Часовниците „Journea“ и „Audemars Piguet“, а на аукција ги стави семејството на познатиот возач кој не е во јавноста откако во 2013 година се здоби со тешка повреда на главата при пад на скијање.

Меѓу продадените часовници е и оној што му го подари на Шумахер поранешниот шеф на Ферари, Жан Тод, со изгравирана порака за Германецот, а се проценува дека чинел близу 2 милиони евра.

Станува збор за часовникот „Journea“ на кое се насликани гребенот на Ферари и кацигата што ја носи Шумахер.

Другиот персонализиран часовник, „Royal Oak“ бил продаден за 425.000 евра, надминувајќи ја претходната проценка од 150.000 до 250.000 евра.

„Колекционерите беа многу среќни што ги добија овие часовници кои се дел од историјата“, изјави Реми Гилемин, организаторот на аукцијата.

Интересно е и тоа што аукцијата на часовниците на Шумахер беше одложена бидејќи првично беше закажана за понеделник. Причината за одложувањето беше сајбер напад.

Наведените осум часовници кои беа продадени се само дел од поголема колекција во сопственост на семејството Шумахер. Се уште не е јасно зошто во семејството се одлучиле на овој чекор.