Сари за Пјаниќ: Играше лошо 4-5 натпревари, сега треба да покаже дека е голем играч

Маурицио Сари во медиумите зборуваше за Миралем Пјаниќ кој во изминатиот период на големо се поврзува со преминување во Барселона.

Барселона и Јувентус веќе некое време водат преговори за потенцијалниот трансфер на Пјаниќ, сепак засега нема договор. Сари сега отворено кажа дека Пјаниќ не играл баш најдобро во последниот период пред прекинот.

„Миралем е фантастичен играч, но не може да си дозволи да игра лошо како што тоа го направи во 4-5 натпревари. Разговарав со него, но не можеше да се опорави од тие лоши натпревари. Мора да разбере дека големите играчи можат да направат грешки, мора да покаже дека е голем и да реагира“, изјави Сари.

Инаку, Јувентус утре ја продолжува сезоната со натпреварот во Купот на Италија против Милан.