Роналдо: Рекордите се важни, но поважни се победите!

Со двата гола против Лацио, Кристиано Роналдо го предводеше Јувентус до важни три бода и постави два големи рекорди.

Потугалската ѕвезда стигна до 50 погодоци во Серија А, му успеа само во 61 натпревар, додека стана првиот фудбалер во историјата кој реализирал 50 или повеќе погодоци во три различни првенства: Премиер лига 84 гола, Ла Лига 331 гол и од вчера во Серија А брои 50 гола.

„Рекордите се секогаш важни, но најважно е тимот да победи. Ние сме феноменален тим и го покажавме тоа денес, иако секогаш сакаме да ги подобриме и поставуваме рекордите”, истакна Роналдо.

„Знаевме дека е многу тежок натпревар против тим кој има одлична сезона, но исто така знаевме дека е одлична можност да се победи на нашиот стадион. Ние сме многу среќни”, додаде Португалецот.