Рома не може да најде тренер, тренинзите се одложени

Хрватскиот тренер Иван Јуриќ ја напушти Рома, а управата мака мачи да го најде неговиот наследник. Според италијанските медиуми, тренингот и собирот на играчите се одложени за четврток. Јуриќ доби отказ по поразот од Болоња со 3:2 во последното коло. Неговиот отказ му беше врачен еден час по натпреварот.

Рома е во потрага по четврти тренер оваа календарска година. На клупата на италијанскиот великан се наредија Жозе Мурињо, Даниеле де Роси и Иван Јуриќ.

Планот беше играчите што побрзо да се вратат на тренинзи, но вратите од тренинг кампот на Рома остануваат заклучени.

Потенцијални кандидати за клупата на Рома се турскиот тренер Винченцо Монтела и Роберто Манчини кој моментално нема договор.