Француски новинар: Го издигнавме Олизе до ниво на Зидан, а тој сè уште не е подготвен за тоа

Шпанија стана првиот финалист на Светското првенство откако во полуфиналето во Далас ја совлада Франција со резултат 2:0. Во меч каде што целосно доминираа, Шпанците победија благодарение на головите на Микел Ојарсабал од пенал и Педро Поро, обезбедувајќи го својот втор настап во финалето на овој турнир. Францускиот тим, пак, одигра многу разочарувачки и едвај создаде некаква вистинска шанса. Сите детали од натпреварот гледајте ТУКА.

Мајкл Олизе (24), еден од најдобро истакнатите француски фудбалери и целото Светско првенство, не ја достигна формата што ја покажа на претходните дуели. Во шест натпревари, асистираше за пет голови и беше најдобар асистент на турнирот, но сега после полуфиналето е критикуван, како и останатите играчи.

Даниел Риоло, новинар од францускиот медиум РМЦ, истакна: „Бевме понесени. Го споредувавме Олизе и Мбапе како најдобар тандем на Франција. Го издигнавме Олизе до ниво на Зидан и Платини, а тој сè уште не е подготвен за тоа.“

„Сè што направи до сега на турнирот, го направи благодарение на слободниот простор. Кога под притисок на средината, сфативме дека класичен ‘десетка’ е тешко да опстане во модерниот фудбал.“

⭐❌ @DanielRiolo: “Olise a été mis à la table de Zidane et Platini… Alors qu’il n’est même pas à la cuisine.” pic.twitter.com/k1NpgPY53q

— After Foot RMC (@AfterRMC) July 14, 2026