Шпанија ја совлада Франција со резултат од 2:0 во полуфиналето на Светското првенство. Головите ги постигнаа Микел Ојарзабал во 22. минута од пенал и Педро Поро во 58. минута. Сега, во неделното финале Шпанија ќе го дочека победникот од мечот Аргентина – Англија, кој се игра денеска во 21 часот.
Како ПАМЕТНО да типувате на World Cup 2026!
Французите, особено нивниот селектор Дидие Дешан, се незадоволни од судењето на Иван Бартон од Ел Салвадор. Тие сметаат дека пеналот од кој поведе Шпанија бил пресуден премногу строго. Лукас Дин во обид да ја исчисти топката го удри Ламин Јамал, кој му се доближил одзади без да го види. Наместо топка, Дин го погоди Јамал во ногата.
Покрај тоа што тврдат дека Дин дејствувал ненамерно, без да знае за присуството на Јамал, Французите нагласуваат дека шпанскиот напаѓач играл со рака пред контактот со францускиот бек. Судијата веднаш покажа на белата точка, а својата одлука ја потврди по кратка проверка. Ситуацијата може да ја погледнете од 0:50 ОВДЕ.
Учество во игри на среќа е дозволено за лица со 18+ години. Играј одговорно!