Раул: Титулата е на дофат, тука сме за да ја освоиме!

Тренерот на екипата на Вардар, Раул Гонзалес, влезе во историјата како човек кој одведе еден наш тим во финалето на најсилното европско натпреварување.

„Победивме одличен тим и горди сме на тоа. На почетокот не игравме како што планиравме, но потоа успеавме да ја наметнеме нашата игра, Арпад за наша среќа беше фантастичен. ПСЖ е исклучително силен тим, но титулата ни е на дофат и тука сме за да ја освоиме“, изјави Раул Гонзалес.

Големото финале во кое сите ќе бидеме со Вардар се игра денес со почеток во 18:00 часот. Ниту Вардар, ниту ПСЖ до сега не се радувале на трофеј во ова натпреварување.