Раул: Очигледно е дека имаме проблеми!

Тренерот на Вардар, Раул Гонзалес по ремито со Висла изјави дека иако тимот не бил на висината на задачата, сепак е задоволен што завршиле на првото место во вака тешка група.

Вардар обезбеди директен пласман во четвртфиналето, но Раул признава дека неговиот тим имал проблеми на теренот.

„Нашата одбрана не беше на вистинското ниво на средбата против Висла. Имавме проблеми и тоа се виде на теренот. Висла одигра подобро од нас, но јас сум задоволен што успеавме уште една сезона во тешка група да обезбедиме прво место. Имавме силни противници, но сите дадовме се од себе“, изјави Раул по мечот.