Ракитиќ ја напушта Севиља и се сели во Турција

Хрватскиот плејмејкер Иван Ракитиќ, ќе ја напушти Севиља и ќе направи изненадувачки трансфер, пренесуваат шпанските медиуми.

Имено, силен интерес за Хрватот покажува турскиот гигант Бешикташ, а преговорите за трансферот се во напредна фаза.

Бешикташ му нуди двегодишен договор и повисока плата од таа која ја добива во Севиља, а клубот од Андалузија е во финансиски проблеми и мора да се ослободи од најплатените играчи.

Тој влегува во последната година од договорот со Севиља, па турскиот клуб за неговиот потпис ќе плати 4 милиони евра.