Приказната на Де Јонг за Ноури: Кога слушна за Барселона направи гримаса на насмевка

Фудбалерот на Ајакс, Абделхак Ноури е пуштен на домашно лекување откако вчера после две години и девет месеци се разбуди од кома.

Ноури е во инвалидска количка и за него ќе се грижи неговото семејство, засега тој комуницира само со гримаси на лицето.

Неговиот пријател Френки Де Јонг беше соиграч со него во Ајакс, а денес играчот на Барселона раскажа емотивен детал кој се случил минатата година кога потпишал за Барселон.

„Седнав до него и неговата мајка влезе во собата. Му се обрати и го праша: Каде Френки треба да оди? Во Барселона? Кога го кажа тоа: Се појави мала гримаса на насмевка на неговото лице. Беше тоа посебен момент“, откри Де Јонг.