Озил останува во Арсенал, но што ќе се случи со Жиру и Санчез

Играчот на Арсенал, Месјут Озил истакна дека сака да остане во клубот и дека за тоа ќе разговара со управата по враќањето од турнејата низ Австралија и Кина со тимот.

Договорот на Озил со Арсенал истекува следната година, но британските медиуми изминатите недели шпекулираа дека би можел да го напушти Лондон.

„Сакам да останам. Кога сите ќе се вратат во Лондон, ќе разговараме за иднината. Секогаш зборував дека добро се чувствувам во Арсенал“, истакна Озил, пренесува Би-Би-Си.

Арсенал во четврток ќе игра против Сиднеј, а в сабота против Западен Сиднеј Вондерс, а потоа екипата заминува во Кина.

„Топчиите“ на 19. јули во Шангај ќе играат против Баерн Минхен, а три дена подоцна во Пекинг против Челси.

„Моментално најважна ни е турнејата, добро да тренираме и да се вратиме во добра физичка форма“, наведе 28-годишниот германски репрезентативец.

Озил во 2013. година од Реал Мадрид премина во Арсенал и досега одигра 158 натпревари и постигна 32 погодоци. Со лондонскиот клуб освои три ФА Купа и Комјунити Шилд.

Од Арсенал ова лети би можеле да заминат Оливије Жиру и Алексис Санчез. Жиру е пет години дел од клубот, а за него заинтересирани се Евертон и Вест Хем.

„Изминатата година минував низ некои потешкотии, но успеав да се вратам. Уште сум фудбалер на Арсенал, професионалец сум како и секогаш и ќе се обидам добро да се подготвам за претстојната сезона“, истакна Жиру.

За Чилеанецот пак, заинтересиран е Манчестер Сити.

„Неговото заминување би влијаело на целиот тим, бидејќи тој е играч кој секогаш добро си ја сработува работата“, истакна Озил.