Нови проблеми за „Топчиите“: Дебито на Обамејанг се оддолжува

Фудбалерите на Арсенал утре играат на домашен терен против Евертон во рамки на 26. коло во Премиер лигата.

„Топчиите“ беа многу активни во јануарскиот преоден рок, а последниот ден на „Емирати“ стигна и Пјер Емерик Обамејанг. Откако Алексис Санчез го напушти Арсенал, лондонскиот тим тргна во потрага по негова замена и според се судејќи не можеа подобро да минат.

Обамејанг вчера го одработи првиот тренинг со новата екипа, но сите се запрашаа дали утре ќе дебитира во дресот на Арсенал. Тренерот, Арсен Венгер истакна дека тој не е потполно подготвен, и дека има проблеми со грипот. Но, конечните вести ќе бидат познати утре.

„Тренираше вчера, но се уште не е подготвен. Дојде со грип и не се чувствува најдобро. Ќе видиме со лекарскиот тим дали ќе биде подготвен за утре. Тој има голема желба да заигра, но утре ќе знаеме повеќе за тоа“, истакна Венгер.