Новак Ѓоковиќ го дозна следниот ривал: Време е за „израмнување на сметките“

Најдобриот светски тенисер Новак Ѓоковиќ се пласираше во третото коло на Мастерс турнирот во Монте Карло совладувајќи го Роман Сафиулин со резултат 2:0 (6:1, 6:2), а го дозна и името на неговиот следен ривал.

Италијанецот Лоренцо Музети, кој во два сета беше подобар од Артур Флис со резултат 2:0 (6:3, 7:5), ќе игра против Ѓоковиќ.

Минатата сезона во Монте Карло Музети во осминафиналето го совлада Ѓоковиќ со 2:1 (4:6, 7:5, 6:4).

Ова ќе биде вистинска можност за реванш на Ѓоковиќ, а судејќи по начинот на кој Новак играше против Сафиулин, не треба да има проблем ниту против Музети.